Ca' The Yowes

Ca' the yowes tae the knowes
ca' them whare the heather grows
ca' them whare the burnie rowes
my bonnie dearie

Hark, the mavis' evening sang
sounding Clouden's woods amang
then a faulding let us gang
my bonnie dearie

We'll gae down by Clouden site
thro' the hazels spreading wide
o'er the waves that sweetly glide
to the moon sae clearly

Yonder Clouden's silent towers
where at moonshine midnight hours
o'er the dewy bending flowers
fairies dance sea cheary

Ghaist nor bogle shalt thou fear
thou'rt to love and heaven sae dear
nocht of ill may come thee near
my bonnie dearie

Fair and lovely as thou art
thou hast stown my very heart
I can die, but canna part
my bonnie dearie

Return to Dougie MacLean