Lassie Wi' the Lint White Locks

Lassie Wi' the Lint White Locks written by
Robert Burns, sung by Karen Matheson.

Chorus.
Lassie wi' the lint-white locks,
Bonie lassie, artless lassie,
Wilt thou wi' me tent the flocks,
Wilt thou be my Dearie, O?

Now Nature cleeds the flowery lea,
And a' is young and sweet like thee,
O wilt thou share its joys wi' me,
And say thou'lt be my Dearie, O.

Chorus.

The primrose bank, the wimpling burn,
The cuckoo on the milk-white thorn,
The wanton lambs at early morn,
Shall welcome thee, my Dearie, O.

Chorus.

And when the welcome simmer shower
Has cheer'd ilk drooping little flower,
We'll to the breathing woodbine bower,
At sultry noon, my Dearie, O.

Chorus.

When Cynthia lights, wi' silver ray,
The weary shearer's hameward way,
Thro' yellow waving fields we'll stray,
And talk o' love, my Dearie, O.

Chorus.

And when the howling wintry blast
Disturbs my Lassie's midnight rest,
Enclasped to my faithfu' breast,
I'll comfort thee, my Dearie, O.

Chorus.

Return To Scotland Music Videos

Return To Robert Burns Biography