Ca'
the Yowes
Chorus
Ca' the yowes to the knowes,
Ca' them where the heather grows,
Ca' them where the burnie rowes,
My bonie dearie.
Hark, the
mavis e'ening sang
Sounding Clouden's woods amang
Then a-faulding let us gang.
My bonie dearie.
Chorus
We'll gae
down by Clouden side,
Thro the hazels, spreading wide
O'er the waves that sweetly glide
To the moon sae clearly.
Chorus
Yonder Clouden's
silent towers
Where, at moonshine's midnight hours,
O'er the dewy bending flowers
Fairies dance sae cheery.
Chorus
Ghaist nor
bogle shalt thou fear
Thou'rt to Love and Heav'n sae dear
Nocht of ill may come thee near,
My bonie dearie.
Chorus
Return
To Traditional Scottish Songs
Return
To Scottish Music
|
